பாபர்மஸ்ஜித் இடிப்பு விவகாரத்தில் முக்கியப் புள்ளியான கல்யான் சிங்குடன் கடந்த தேர்தல்களில் தொடர்பு வைத்ததற்காக முஸ்லிம்களிடம் தான் மனப்பூர்வமாக மன்னிப்பு கேட்பதாக முலாயம் சிங் யாதவ் தெரிவித்திருக்கிறார்.
மதவாதிகளை தனிமைப் படுத்துவதற்காகவே தான் அதனைச் செய்ததாகத் தெரிவித்த முலாயம் சிங் கல்யாண்சிங் உடன் தான் வைத்த கூட்டுக்காக மன்னிப்பு கோரினார்.
2004 நாடாளுமன்றத் தேர்தல்களில் முலாயம் சிங்கின் சமாஜ்வாதி கட்சி 36 இடங்களில் வெற்றி பெற்றது. மாநிலக் காட்சிகளில் தனிப்பெரும் கட்சியாக விளங்கிய சமாஜ்வாதி கட்சி கடந்த நாடாளுமன்றத் தேர்தலில் கல்யான் சிங்குடன் கூட்டணி அமைத்தது அக்கட்சிக்கு சரிவை ஏற்படுத்தியது. சரிந்து போன தனது வாக்கு வங்கியை நிமிர்த்தும் முயற்சியாக முலாயம் இந்த அறிவிப்பினை வெளியிட்டிருப்பதாக அரசியல் பார்வையாளர்கள் குறிப்பிடுகிறார்கள்